Am wunderschöne u sunnige 8. Mai hei mir Jodler s'erschtmou am SlowUp Solothurn-Buechibärg e Stang gha. Mit feinem Chemibrate, Wienerli, Härdöpfusalat, Getränk u Kafi hei mir probiert die sportlechi Schar zu üs z'locke. Es hei es paari stiu gha u sech ar warme Sunne es Menu oder öppis z'trinke gönnt, aber dr würklech gross Erfoug hei mir no nid chönne erläbe. Viu hei chly gjammeret dases nid eso guet sig glüffe wie angeri Johr- isch dr gross Run usblybe wüu Muettertag isch gsi? Es hets niemer so genau gwüsst- aber mir wärdes es angers Johr wieder probiere!